Ŝablonoj estas tre grava parto de Vikipedio kaj aliaj Vikimediaj projektoj. Tamen, ilia prilaborado kaj bontenado inter diversaj lingvoj kaj projektoj estas tradicie dolorplena procezo, kiu kostas multajn tempon, energion kaj nervojn de teĥnike altkapablaj homoj. Esperantisto Amir E. Aharoni proponis solvon, kiu helpos ne nur al Esperantaj sed al ĉiuj Vikimediaj projektoj.
Kiel Esperantisto de la Jaro 2020 estis proklamita Fernando Maia Jr. – Brazila geologo, vicprezidanto de UEA – Universala Esperanto-Asocio, kaj aktiva Vikipediisto. Nome de la organizo Esperanto kaj Libera Scio ni kore gratulas vin, Fernando!
Przemysław Wierzbowski kandidatiĝis kiel nova administranto de Esperanta Vikifontaro kaj ni invitas vin voĉdono pri li. Al Esperanta Vikifontaro nuntempe tute mankas administrantoj, tiel Wierzbowski iĝus la unusola en tiu grava rolo.
Esperanto kaj Libera Scio (ELiSo) aktive partoprenos la Virtualan Kongreson de Esperanto (VK) 2020 per kelkaj programeroj pri Vikimedio. Temas pri 2 sesioj en la Virtuala Movada Foiro kaj 1 babilado pri Vikipedio (kaj Vikimedio ĝenerale). La ĉefprezentanto estos nia prezidanto KuboF Hromoslav (Michal Matúšov). Publika listigo estas ankaŭ en nia retejo https://esperanto.wiki/eventoj/ kaj partoprenantoj trovos...
Post kelkaj jaroj eble la nomo “Vikimedio” estos trovebla nur en historiaj libroj – nuntempe traktata projekto de la Vikimedia Fondaĵo proponas anstataŭigi ĝin per la nomo “Vikipedio”. Tio kreis fortan malkonsenton de pluraj komunumoj, inkluzive de esperantistoj, kiuj subskribis malfermitaj leteron alvokante al tuja paŭzigo aŭ haltigo de la procezo.
Kun granda ĝojo mi oficiale anoncas, ke “Esperanto kaj Libera Scio” (ELiSo), post jaroj de funkciado kiel neformala grupo, nun ekzistas ankaŭ kiel registrita, formala organizo!
Nia statuto ĵus venas al grava revizio kaj vi povas esti parto de tio! Se vi spertas pri fundamentoj de organiza laboro, helpu al ni pli bone funkcii (kaj tiel pli efike disvastigadi edukadon en Esperantujo kaj la mondo). Sed memoru, viaj proponoj devas esti pretaj antaŭ la Ĝenerala asembleo la 16-an de Majo 2020...
Verdire, ni havas grandan mision (krei la mondon en kiu ĉiu homo povas libere partopreni en la tuta sciaro de homaro), sed ni ne povas sukcesigi ĝin solaj! Venu ankaŭ vi – kaj ni helpu la mondon kune! Partoprenu en la 1-a Ĝenerala asembleo de Esperanto kaj Libera Scio, kiu okazos la 16-an de Majo...
Bonvenon al tute nova retejo de la Esperanta Vikimedia organizo Esperanto kaj Libera Scio! Nia organizo funkcias kiel neformala grupo jam sufiĉe longan tempon, sed ĝis nun ni kiel retejon uzadis nur la informan paĝon ĉe MetaVikio. Kaj ja, ankaŭ niaj profiloj ĉe sociaj retejoj iom similis al retejo 🙂