- This event has passed.
Voĉa klavaro por Esperanto jam funkcias – provu ĝin ankaŭ vi!
26 Novembro 2022 @ 16:00 - 16:45 UTC+0
Ĉu vi povas verki Vikipedion en Esperanto per via voĉo? Aŭ ajnan alian tekston? Jam jes!
Progreso de teĥnologio dum (laŭlitere!) lastaj 2 jaroj venigis plian kilometroŝtonon por Esperantaj Vikimedianoj kaj la tuta Esperanta komunumo. La labor-teamo Parolteknologio kreis funkciantan parolrekonilon por Esperanto (programo, kiu ŝanĝas parolon al teksto). Danke al tio vi povas verki Vikipedio per via voĉo, kaj ankaŭ komuniki en tujmesaĝiloj, verki retmesaĝojn aŭ dokumentojn kaj eĉ krei subtekstojn por videoj.
Venu al la prezento dum Retoso / Virtuala kongreso de Esperanto por ekscii pli, ricevi respondojn al viaj demandoj kaj (precipe) por mem testi funkciantan parolrekonilon en via poŝtelefono (se vi uzas Android / LineageOS). La prezenton gvidos KuboF Hromoslav, aktivulo de Parolteknologio kaj Vikimedio EO.
La prezento estas senpaga por ĉiuj partoprenantoj de Retoso / Virtuala kongreso de Esperanto. Ĉiuj indviduaj membroj de TEJO / UEA povis senpage aliĝi. Post la 20-a de Novembro 2022 estas aliĝo pagenda.