9-a Kunsido de Ĝenerala asembleo (2026-1)
Ni kore invitas vin al la sekva Kunsido de Ĝenerala Asambleo de Vikimedio EO. Kunsido de Ĝenerala asembleo estas la plej grava jara evento por kundiskuti kaj kundecidi la plej fundamentajn aferojn de VMEO kaj nian pluan direkton. Per via partopreno vi aktive formas kien kaj kiel Vikimedio EO disvolviĝos kaj, sekve, kiel ni helpados al Vikimediaj projektoj kaj la movado.
Noto: Pro portempaj teĥnikaj problemoj ne funkcias iuj ligiloj en tiu ĉi paĝo. Ni laboras por solvi la problemon. Dankon pro via pacienco!
Ankaŭ, se vi volas, ke tiajn problemojn ni solvadu pli rapide, konsideru pri kio en VMEO vi povas helpi, por ke ni ĉiuj havu pli multan tempon kaj atenton por laboro 🙂
Dato: 21-a de Marto 2026
Tempo: 15:00 – 16:30 UTK
Anstataŭa tempo: 15:30 – 17:00 UTK
Partopreno estas malferma por publiko, sed voĉon havas nur aktualaj Plenrajtaj membroj (se vi ankoraŭ ne estas membro de VMEO, membriĝu nun). Por kontroli nuntempan staton de via membreco unue ensalutu (se vi ne havas / forgesis vian pasvorton, restarigu la pasvorton uzante retpoŝtan adreson kiun vi uzis por membriĝi) kaj poste kontrolu sube en la Membra zono. Se vi kredas, ke la stato de via membreco estas misa, tuj kontaku nin!
Via aliĝo subtenas Vikimedion!
Gravaj programeroj:
- Jara raporto 2025
- Financa raporto 2025
- Revizia raporto 2025
- Formala revizio de la Strategia plano 2025-2026
- Elekto de Estraro
- Elekto de Revizia komisiono
- Alvoko por pli vasta partopreno (kandidatiĝu por volontuli)
Tagordo eventuale povas ŝanĝiĝi.
Kiel partopreni
Notu la daton en vian kalendaron kaj laŭeble starigu memorigon. Post solvo de teĥnikaj problemoj ni provizos ankaŭ aliĝilon por la evento por pli bona mastrumado.
- Komunikilo uzota: Jitsi de VMEO
- Redaktebla protokolo (per Etherpad)
Jitsi sufiĉe bone funkcias ĝis ĉ. 35 partoprenantoj. Kaze se ni spertus teĥnikajn problemojn pro supero de tiu kvanto aŭ alia kialo, ni solvos surloke.
Jitsi alireblas per retumilo en komputilo, retumilo en poŝtelefono aŭ per poŝteleona aplikaĵo. Elektu tiun, kiu plej taŭgas por vi (tiu vere povas esti poŝtelefona aplikaĵo).