Laborista monato 2026
Laborista monato 2026 invitas vin redakti / verki / traduki Vikipediajn artikolojn kaj aldoni Vikifontarajn paĝojn rilatajn al justa laborado, sindikatoj kaj laboraj rajtoj, precipe rilataj al Usono. La kampanjo (aŭ redakto-maratono) estas senpaga por partopreni kaj provizas simbolajn premiojn en formo de insignoj sur uzanto-paĝo de partoprenintoj.
Kiel partopreni
Por partopreni:
- ensalutu en Vikipedion aŭ Vikifontaro
- se vi ankoraŭ ne havas konton, senpage registriĝu
- aliĝu per la ĉefa aliĝilo
- tiel vi estos oficiale rekonita kiel partoprenanto
- dum Septembro 2026 verku / traduku artikolojn pri la temo de la kampanjo
- bona komenca punkto estas la listo de la plej gravaj artikoloj
- vi povas partopreni en la Vikipedio kaj Vikifontaro
- notu ĉiun vian kampanjan artikolon per la spurilo de kontribuoj
- uzu la butonon “Asigni artikolon al mi”
- invitu ankaŭ viajn amikojn
Konteksto
La kampanjo okazas samtempe en pluraj lingvaj versioj de kelkaj Vikimediaj projektoj, foje kun subteno de rilata Vikimedia organizo. La Esperantan parton organizas Vikimedio EO.
La kampanjo okazas solidarece kun Wiki Workers United la klopodado de multaj dungitoj de la Fondaĵo Vikimedio por starigi laboristan sindikaton. La En Vikimedio EO ni praktikas tn. “ekosisteman subtenon“, kies principo povas esti priskribita kiel “ni subtenu tiujn, kiuj subtenas nin”. Unu el la 3 ĉefaj subtenataj kampoj estas la Vikimedia movado. Tial, ankaŭ pere de tiu kampanjo ni subtenas sanan, respekteman, funkciantan kaj bonordan laboradon de la Fondaĵo Vikimedio, la plej alta reprezentanto de la Vikimedia movado.
