Preter Vikipedio – la nekonataj Vikimediaj gefratoj (SES 2021)

Prelego de KuboF Hromoslav dum SES – Somera Esperanto-Studado 2021. Partopreno en SES estas pagenda, partopreno en la prelego estas sen krompago por partoprenantoj de SES.

Vikipedio, la fama reta enciklopedio, montris ke amaso de “kutimaj” homoj povas kune kaj mem-organizite krei tutmonde elstaran verkon. Fakte, Vikipedio kaj ĝiaj frataj projektoj apartenas al 10 plej ofte vizitataj retejoj en la tuta interreto – kaj ununura neprofitcela de ili! Sed kio estas tiuj “frataj projektoj”? Vikipedio, kiel enciklopedio, ne povas sola provizi tuton de homara sciaro. Al tio helpas pluraj rilataj memstaraj projektoj forte kunligitaj kun Vikipedio. Venu kaj eksciu kiel vi povas per ili legi plenajn librojn, verki lernolibrojn, pli agrable vojaĝe, aŭ uzi datumbazajn datumojn por krei aplikaĵon.