Granda novaĵo survoje al la misio de Vikimedio EO pri tutmonda regado de la Vikimedia movado – ekde hodiaŭ ni estas rekonitaj kiel Tema organizo de la Fondaĵo Vikimedio!
La Fondaĵo Vikimedio estas la tutmonda reprezentanto de la Vikimedia movado. Ĝi prizorgas markojn, teknikan infrastrukturon kaj provizas subvenciojn por aliaj organizoj por subteni Vikimedian movadon. Multaj sendependaj organizoj subtenantaj la Vikimedian mision estas aligitaj al la Fondaĵo Vikimedio. Ili ekzistas en 2 niveloj. La baza estas Uzanto-grupo. Pli progresaj estas Landa asocio (ligita al certa lando) kaj Tema organizo (ligita al certa temo).
Vikimedio EO estis koncipita ĝuste en la tempo kiam naskiĝis tiu-ĉi 3-tipa modelo. Ni estis entute la 3-a rekonita Uzanto-grupo, kaj ni daŭre estas la plej longe funkcianta Uzanto-grupo sen eksrekono 
Ni tamen faradis altkvalitan laboron kaj havis grandajn ambiciojn. Tial ni en 2019 petis rekonon kiel Tema organizo. Pri la rekona procezo okupiĝas AffCom (Affiliations Committee) de la Fondaĵo Vikimedio.
La tuta procezo estis tre longa kaj pena. AffCom pardonpetis, ke pro kvanto kaj vasteco de nia agado, ĝi portempe ne povas rekoni nin. Iliaj kapacitoj estis tute nesufiĉaj por organizo de nia nivelo. La tiutempa Prezidanto de AffCom klarigis, ke ili ne povas utiligi ĉiujn rimedojn de AffCom por kontroli nur unu organizon.
Post tre diligenta, plurjara laborado tamen AffCom sukcesis trairi ĉiujn niajn agadojn kaj rekomendis al la Estraro de la Fondaĵo Vikimedio plialtigon de nia statuso, kion la Estraro unuanime aprobis.
“Ni kore bonvenigas nian 3an Teman organizon en la vikiverso!”, esprimis la Estraro de la Fondaĵo Vikimedio en sia deklaro, kaj daŭrigis “Ni antaŭĝojas vidi eĉ pli grandan vigliĝon de Vikimediaj esperantistoj kiel postsekvo de la rekono.”
Ni ĝojas pri la rezulto de la plezura, plurjara laboro. Jam nun ni planas peti rekonon por eĉ pli alta nivelo de aligita organizo al la Fondaĵo Vikimedio. Tamen, pli alta nivelo ankoraŭ ne ekzistas, do ni traktas kun AffCom kaj la Estraro pri ĝia kreo.
Bonvolu legi la oficialan deklaron de AffCom kaj la Estraro de la Fondaĵo Vikimedio 
