La EduVikia Konferenco estas renkontiĝo por projektoj kiuj ligas Edukadon kaj Vikimediajn projektojn, ĉefe Vikipedion. Ĉi-jare ĝi festis sian trian eldonon de la 30-a de majo ĝis la 1-a de junio, en Bogoto, Kolombio. Esperantistoj membroj de VMEO havis gravajn rolojn kaj en la okazigo de la konferenco kaj en la prezentado kaj diskuto de edukaj temoj rilataj al la Vikimedia movado.
Tiu ĉi konferenco, kiu okazas ĉiujn du jarojn, havis sian unuan eldonon en Donostio, Eŭskio, kaj la duan eldonon en Beogrado, Serbio. La trian eldonon ĵus okazis en Bogoto kaj en ties organizo ĉefrolis Ziko van Dijk (Uzanto:Ziko) kiel membro de la Organiza Komitato kaj de la Programa Komitato. Ziko ankaŭ prezentis pluraj programerojn kiel la Inaŭgura Prelego au kiel prezenti Vikipedion antau Lernejoj kaj Universitatoj. Ankaŭ ĉeestis Juan Sebastian Quintero Santacruz (Uzanto:Sahaquiel9102) kiu partoprenis rondan tablon pri Juneco kaj Vikimedio.
La konferenco estis bonega ŝanco lerni pri edukaj spertoj uzante Vikipedion en Edukado. Ekzemple, la kazoj de Bolivio kaj Kolombio (Legante Vikipedion en la Klasĉambro) aŭ la novaj uzoj de artefarita inteligenteco kaj multmediaj rimedoj por edukaj celoj en Vikimediaj projektoj.
Estis granda ĝojo kunhavigi spertojn kun dekoj da aliaj homoj laborantaj tra la tuta mondo kombinante edukadon kaj Vikipedion!
Juan Sebastian Quintero Santacruz (Sahaquiel9102)
