La Esperanta Vikipedio baldaŭ atingos 300 000 artikolojn. Ni volas festi tiun ĉi kilometroŝtonon per serio de videoj en kiuj legantoj, redaktantoj kaj aliaj salutas, bondeziras kaj dankas al la volontulaj redaktantoj kiuj respondecas pri tiu aprezinda atingo. Sendu vian filmeton ĝis la 4a de aŭgusto 2021, 12:00 UTK
La videoj estos publikigitaj en nia YouTube-kanalo (abonu jam nun!:).
Teĥnikaj postuloj:
- kvalito: prefere en 1080p aŭ 720p-kvalito (HD) (se vi ne povas en tiu kvalito, faru en la plej alta kiun vi povas)
- orientigo: horizontala
- lumo: vi estu bone videbla, la lumo ne estu troa nek malsufiĉa
- sono: vi estu laŭeble bone aŭdebla, laŭeble evitu fonajn bruojn (formu pordon kaj fenestron aŭ simile)
- Purigu la objektivon de la poŝtelefono/kamerao antaŭ komenci la filmadon.
Enhavaj postuloj
- longeco: maksimume 30 sekundoj
- temo: gratulo, bondeziro, danko al volontulaj verkantoj… aŭ io alia taŭga
- Vi povas esti en via video sola aŭ en grupo (se vi volas fari videon nome de granda Esperanta organizo, kontaktu nin por speciala traktado)
- Ne kovru la objektivon per via fingro 🙂
Limdato estas la 4a de Aŭgusto 2021, 12:00 UTK!
Bonvolu alŝuti vian videon al dosier-kunhaviga servo (ekz. Google Disko, Dropbox, WeTransfer ks). Agordu ke ĝi estu publike videbla kaj elŝutebla. La ligilon enmetu en la suban formularon. Se tio estos problemo, sendu vian videon per Telegramo al https://t.me/VP300000 kaj indiku tion en la suba formularo.
Pro juraj kialoj (konfirmo de permesilo de video, akcepto de traktado de personaj datumoj) ni inkludos nur tiujn videojn por kiuj ni ricevos informojn per la suba formularo. Post plenigo de la formulo memoru klaki la butonon “Sendi” (angle “Submit”) tute fine.
