Vikimanio estas la plej granda jara evento de la Vikimedia movado. Ĝi kunigas ecojn de konferenco, kunlaborejo kaj planejo por kernaj movadanoj, festivalo kun artaj spektakloj kaj sociumejo. En 2026 ĝi okazos en Julio en Parizo, Francio, Eŭropo. Nun vi povas kandidatiĝi por stipendio por kostoj de via partopreno.
Mi persone partoprenis jam plurajn Vikimaniojn kaj mi tre ĝuis ilin, renkontis novajn homojn, lernis multajn novajn aferoj, de kiuj plurajn mi aktive uzas en kutima laboro de Vikimedio EO. Se ankaŭ vi volas konfirmi, ke la uzantonomoj en Vikipedio havas ankaŭ vizaĝon, kaj pretas komuniki en la angla, mi rekomendas partopreni.
Por aktivaj Vikimedianoj (ĉu redaktantoj de retaj Vikimediaj projektoj, aŭ aktivuloj en organizoj kiel Vikimedio EO, aŭ aktivuloj en aliaj roloj), aparte por tiuj kun bezono de financa helpo, estas disponeblaj “stipendioj”. Tiuj kovras flugon, loĝadon, partopren-kotizon, manĝaĵojn dum la antaŭ-konferencaj kaj konferencaj tagoj, kaj eĉ limigitan sanasekuron.
Se vi volas la stipendion, tamen rapidu! Vi havas tempon nur ĝis la 31-a de Oktobro 2025!
Rekomendoj
Por plialtigi vian ŝancon, jen kelkaj rekomendoj:
- unue bone kaj detale tralegu la tutan paĝon pri stipendioj por ke vi komprenu ĉu vi plenumas la kriteriojn
- konsideru unue verki vian kandidatiĝon en aparta dokumento (ekz. en LibreOffice Writer, aŭ Google Dokumento). tiel vi ne riskos perdon de via teksto se hazarde io okazos eraro pri via retkonekto, kaj samtempe havos bonan bazon por kandidatiĝi estontece
- priskribu ĉiujn viajn gravajn agadojn. ekz. multaj homoj ne gajnis stipendion, ĉar ili ne indikis, ke ili alŝutas fotojn al Vikimedia Komunejo, ĉar ili kredis, ke nur Vikipediaj artikoloj gravas.
